నా ప్రాణమా....

ప్రతి క్షణం నీతోనే గడపాలనీ...
అనుక్షణం నీ పలుకులే నా ఎద సవ్వడి కావాలనీ
నీ నవ్వుల వెలుగులో నేను సమయం గడపాలనీ
కనుపాపవలె నిన్నుప్రతి నిమిషం కాపాడాలనీ
నీ నీడనై నేను నీలో కలిసిపోవాలనీ
నిజమైన ప్రేమకు నిలువెత్తు సాక్షం అయిన నీ ఒడిలో నేను మరణించాలనీ
ఇలా ఎన్నో ఆశలు ఊయలలు ఊగుతుంటే ఒక్కటైనా నీకు తెలియలేదా ప్రియతమా....

తీయని పరిచయాలు ఎన్ని ఉన్నా నీ పరిచయంలో కొత్త ఉదయాన్ని చూస్తున్నాను 
అరక్షనమైనా నిన్ను చూడక ఉండలేనంటున్ననా హృదయానికి బదులివ్వలేక పోతున్నాను...
నిత్యం నీ ధ్యాసలో అలిసిపోతున్ననా మనసుకి విశ్రాంతిని ఎన్నడివ్వను

నమ్మకం లేని ప్రేమకు అర్ధం లేదని నేను నీకు ఎలా చెప్పను
నా ప్రేమకు సాక్షాలు ఎన్నని చూపను..
నా ప్రేమను స్వాగతించి మౌనంగా రోదించే నా మనసు కన్నేరుని తుడిచేస్తావో లేక
బదులివ్వక నా జీవితాన్ని మరణానికి చిరునామా చేస్తావో..
నీ హృదయానికే వదిలి ఎప్పటిలాగే ఎదురుచూస్తున్నాను నా ప్రాణమా..!